Khamis kuwa ɗakin Maryam ya koma. Sai dai bai bari ta lura da damuwar da ya fito da ita daga ɗakin Aisha ba. A gefen gadon da ya bar ta zaune a nan ya same ta, bai kuma yi mamaki ba don ya san motsi mai ƙarfi ma wahala yake mata.

"Baiwar Allah, har yanzu kina nan?" Ya tambaye ta cikin sigar zolaya, lokaci ɗaya kuma ya tsugunna suna fuskantar juna.

Sosai ya bata dariya, sai dai zazzaɓi da murar da ke damun ta ne suka hana ta dariyar, sai ma ta shasshaɓe fuska kamar za ta yi. . .