"Ni kam na gaji..." ta fada cike da shagwaba tana kara sauri don ta kamo Mukhtar din. Gidan su yana da nisa da titi hakan yasa sai sun yi yar tafiya kafin su samu mota.

"Kiyi hakuri mun kusa fa." Ya so ya kama hannunta amma ba zai iya ba saboda a waje suke. A dole ya rage gudun tafiyarsa ya daidaita ta da tashi sannan suka cigaba da tafiya.

Hafsah ta lankwashe. "Dama ban saka takalmin nan ba wallahi." Dariya kawai Mukhtar yayi wadda ta bata haushi bata kara cewa komai ba har sai da suka isa titi suka. . .