A ɗaki kuwa Malam Amadu ji yake tamkar ya tsige zuciyarshi daga ƙirjinshi, saboda azabar zafin da take mashi. Babbar damuwarshi ita ce, yadda zai fuskanci mutanen gari yayin da suka gane ɗiyarshi na ɗauke da cikin da ta same shi a hanyar banza, a matsayinshi na wanda ake gani da ƙima, anya kuwa zasu cigaba da ba shi girma idan suka gane haka?

A hankali ya furta "Ina ma mafarki nake”, tare da dafe kanshi da yake jin kamar ana sara mashi wani abu a ciki, don ya san abu ne mai wahala su cigaba da ba shi girma. . .