Yana zuwa gida ya yi paking a wajan ajiye motoci ya fito ciki da sassarfa ya ƙarasa babban falo Khadijah ce kawai ya tarar a falon tana waya, janye wayar ta yi daga kunnenta tana faɗin “sannu Yaya.”

“Yawwa, Momy fa”?

“Tana ɗakinta” bai sake cewa da ita komai ba ya haura sama matattakala a bakin ƙofar ɗakin ya tsaya yana sallama, daga ciki ta ce da shi ya shigo. Tashi ta yi daga kwanciyar da ta yi a kan gado na alfarma da ya sha shimfiɗa da tsadaddin zanin gado, zama ya yi kusa da ita bayan. . .