Tana zaune a farfajiyar gidan rike da littafi a hannu tana karatu. Harde hannu a kirji yana kallonta yana murmushi, bai ki ya tabbata a haka cikin kallon kyakkyawar fuskarta ba.

Jikinta ne ya ba ta akwai mutum tsaye a kanta, ta dan dago kai suka yi ido biyu. Ta yi saurin kawar da kai tare da fadin, “Zauna mana”.

Ta nuna masa kujera.

“Ban ji shigowarka ba”.

Yana murmushi, “kina zaune har na zo na shige na yi ciki, kin ga ke kam idan kina karatu ba kya ji ba kya gani”.

“Yaya Zaruk mun fa kusa fara jarabawa. . .