Kowane taki ana tunani da sa ran mutuwar Samir, sai dai abin da yake baiwa kowa mamaki shi ne idan aka yi masa maganar Zuhra sai a ga jikin nasa da sauki, har ma ya kan samu ya yi hira, musamman hirar da ta shafe ta, amma bayan wannan to fa sai dai rikicin jiki da radadin zuciya da ke addabar sa. Wannan abu yana damun su Umma Maryam, Alhaji Yusuf da Samira har ma da Kabiru.

Hankulansu sun tafiyu wurin nema masa lafiya, don haka shi Alhaji Yusuf bai damu da neman halin da kaninsa, wanda ya zalunce shi. . .