Ɓacin rai da damuwar da take gani a fuskar mahaifiyarta ya zarce ace damuwar duk akan ciwon mahaifinsu ne.

'To me yake faruwa? Ko akwai wata sabuwar matsala ce a tsakaninsu kamar yadda suka saba? Domin iyayen kusan kullum cikin rikici suke. Wani irin zama ne suke yi kamar na ƴan dadiro.

Yanzunnan za'a gansu cikin farin ciki da soyayya. Anjima kaɗan kuma sai a gansu cikin ɓacin rai da jin haushin juna. Sai kuma ta tuna gigitaccen tsawan da suka ji ɗazu Daddy ya daka ma Mummy, wataƙila shi ne har yanzu abinda yake ƙona ma. . .