"Ka taɓan ƙirji ban yafe ba! Ɗan iska, wayyo matancina, wallahi ni ma sadaki na sisin gwal ne, ka sake ka taɓa ni sai ka biya ni da duk abinda ka mallaka, na faɗa maka ni ba 'yar iska ba ce!" Garin ya zunkuɗata gwiwar hannunsa ya shafi tudun ƙirjinta da ba a ganewa, ta kuwa daddage ta kwantsama ihun da ya saka shi ƙanƙame ta ya tsaya cak!

Yana haki yana yafito wasu Askarawa da ke can gefe dan su taimaka masa, cikin hayagaga ta ce, "ka sauke ni na ce maka da ƙafata. . .