Kofar dakin ya ji an tura a hankali. Idanunshi da suka canja launin kamanninsu ya dago ya sauke su a fuskar Fatima da ta fara takowa. Zuciyarshi yake jin tana sassauta zafin da ta dauka a lokacin, ya koma kujerar da ke bayan teburinshi ya zauna, yana kara kallon fuskarta.

"Abbi ina kwana? Ashe ka dawo? Yanzu Uncle Zahra ke cewa shi ya dauko ka daga airport jiya wai."

Murmushi mai wahala ya sufce a lebenshi. Ya kalle ta cike da kulawa, tausayinta, da tsantsar kaunar natsuwar da Allah Ya zuba a kanta. Mikewa ya yi a saman kafafunshi ya. . .