Ban taba zaton zai iya yi min hakan ba, don haka a kidime na kurma mishi ihu, yanda Sa’adatu tayi tsalle tayi waje a tsorace tun saukar marin da ta gani haka shima ya mike ya tsallake komai ya fita ya bar min dakin bai sha kunun ba.

Hannu biyu na saka na rungume fuskata tare da shafa inda ‘yan yatsunshi suka kwanta a gefen fuskata, can cikin zuciyata kuma fadi nake yi lalle mutumin nan ba karamin artabu zamu yi dashi ba. Ya mare ni a gaban kanwata saboda baya tsoron kowa? Tafdijam, na sake jinjina abinda yayin. . .