Can cikin zuciyata na sake tunawa da Anti Ramla da irin yanda ta rinka jaddada min cewar kar in yarda in bar Ado ya taba budurcina tunda dai na riga na ce ba sonshi nake yi ba, ba zan zauna dashi ba sannan suma mun riga mun san ba da manufar suka karbi auren nasu ba, aure ne kawai suka yi da nufin bata suna don kawai a maida budurwa ta zama bazawara.

A wannan lokacin ban yi tunanin wani abu ne mai tsanani ba yin hakan, musamman da yake nasan babu wata alaka dake shiga tsakanina dashi, to ashe. . .