Da gudu na nufi dakin ban san yanda aka yi ba ganina kawai nayi a kwance kan Yaya Ibrahim na rufe shi da jikina, gigitaccen ihun da na kurma shi ne ya fahimtar da Ado har dani a dukan da yayi Ado yana haki yana tambayarshi me ya kawo ka gidana?

Nima kazo ne kayi min abinda kuka yiwa ubanku? Hannu biyu na saka na rufe baki na zaro ido jikina sai rawa yake yi saboda tsoratar da nayi da irin zagin da Ado yake yi mishi, amma ko a jikinshi, muna da gaida ku ne uwarku ce 'yar uwata. . .