Ita kuwa Samha kai tsaye gidansu Zayyad ta nufa ta gaya masu cewa shi ya ajiyeta, yana sauri zai je kaduna. Sharifat ta ji dadin zuwan Samha, haka ma Umma da Abba. Abba ya tambayeta me ya sameta a goshi? Ta dan shafi wurin ta ce bigewa ta yi. Daga nan Dakin Sharifat ta shige ta yi Sallah sannan ta haye gado, kasancewar akwai barci a idanunta. Cikin barci ta ji muryar Sakina tana kuka tana gaya masu Samha ta fasa mata kai, kuma Zayyad ya koreta ya ce kafin ya dawo ta bar masa gida. Abba ya. . .