Ta hadiye kukanta tana sake kallonsa.

"Da yana da ikon yin ajalina da tuni ya yi hakan. Ka taimakeni na yi maka alkawarin babu wanda zai san mun yi irin wannan tattaunawar da kai."

Ya jinjina kai ya dawo ya zauna yana dubanta.

"Zayyad abokina ne tun yarinta baki yi karya ba, sai dai bani da masaniyar me yake faruwa da rayuwarsa. Na rabu da Zayyad lafiya lau, bayan mun dawo daga ofis ya ce mini zai je ya gaida su Umma. Ni kuma na wuce gida akan zamu hadu washegari da safe. Abin mamaki sai ga kiran waya, wai. . .