"Ke da wa?", Hajiyarsu da ke gefenta zaune a kan gado ta tambaye ta, kasantuwar a wuri ɗaya suke kwana, saboda Asma'u na taimaka mata sosai a cikin dare.

Wannan magana bata bukatar ɓoyo, shi ya sa kai tsaye Asma'u ta ce "Ina wanda suka zo da Dr. Safiyya ɗazu?", Jinjina kai Hajiyarsu ta gami da faɗin "Na gane shi", Asma'u ta ce "Shi ne, wai gobe zai zo wurina, kuma wai da maganar aure", tambaya ta maido mata "Dama kin san shi ne?", Asma'u ta ce "A'a, yau ne na fara sanin shi. . .