Sosai Asma'u ta fahimci ruɗun da Deena ta shiga sakamakon jin Deeni ya kusa barin ƙasar, don kuwa cikin in'ina ta ce "Kekke don Allah, da gaske kike?", Asma'u ta ce "Allah kuwa", sai da Deena ta ɗan saurara kafin ta ce "Amma bai faɗa mani ba, ko da yake ya daina kira na, kuma idan na kira baya picking call ɗin", kamar zata yi kuka ta ƙarashe maganar, hakan ya ne ya ƙara ma Asma'u tausayin ta, domin a yanzu Asma'u ta san menene so, kuma tana fargabar abin da zai shiga. . .