Deena ta yarda sallar Nafila na maganin dukkan damuwa, shi ya sa ta riƙe ta sosai, ba dare ba rana take yin ta, kuma cikin ikon Allah tana samun mafita sosai a cikin lamuranta, don ko wannan Umarar tana kallon ta ne a matsayin warakar dukkan damuwarta, domin can ne wurin mai magaryar tuƙewa.

Raka'a biyu ta gabatar, wadda ta saka ta a jerin Nafilolin da take a kowace rana, tana yin wannan sallar ne kafin ta yi barci, idan ta gama sai ta karanta Suratul Mulk, haɗe da Suratul Iklas ƙafa goma, daga nan sai. . .