Duk qwarewar saqar Binta ta kasa saqa ragayar da za ta sagale kanta ba tare da damuwar rayuwa ko jumurdarta sun dame ta ba.

Yanzu ba Mujahid ne kaxai matsalarta ba, Alhaji Ibrahim da Yaks ma matsalolinta ne, na farko dai Alhaji Ibrahim ya sai silifas din da zai kashe a yawon yi mata naci ba tare da qosawa ba. 

Ba dare ba rana duk lokacin da ciwonsa ya mintsino shi sai ya baro sabgar gabansa ya taho don ya ganta, amma ta qi yarda qememe ya ganta, kamar yadda ta hana kanta daga wayoyin da ya ke damunta. . .