Ba kamar yadda Binta ta zata ba, Mujahid bai damu da sai sun kwana daki guda ba, ya dai yi ta jan ta da zolaya da hira har suka raba dare suna musun da ba su tsinci komai cikinsa ba sai barin zuciyoyinsu da zargi.

Da safe da ya dawo masallaci bai koma dakin ba Bene ya haye, har lokacin da ta gaji da jiran ya zo ya kai ta aiki ta bishi saman kamar yadda suka saba, ta fara ranqwasar qofar sai ta jiyo alamun yana waya ne, kuma karaf ta ji sunan Nabila, jikinta na karkarwa ta shiga. . .