Duk wannan iqirari nata, washegari haka ta wuni sukuku cikin tsananin damuwa, babu wanda ta ke tausayi ko kuma kunyar gani irin Nabila, har ba ta qaunar qarshen mako ya zo Nabila ta zo gidansu, ba ta san me za ta ce mata ba.

Babu kuma wanda ta ke jin haushi kuma ta ji ta yi mugun tsana irin Mujahid, wai har yaushe ne ma zai ce yana sonta? Ita mamakin wannan shegen son mara dacewa ta ke.

An kwana biyu ita da kanta ta kira Nabila a waya.

"Ya ya ku ke Anti?"

Nabila ta tambaye ta cikin murna. . .