Babu kowa a tsakar gidan sai Humaira, ta bada himma sai dakan yaji take sakamakon wainar fulawar da Yaha ta ce za ta yi. Tsayar da dakan ta yi ta dubi mai sallamar. Hanan ta sakarmata murmushi, itama Humaira ta maida mata martani duk kuwa da cewar na ta da masaniyar ko wacece.

"Sannu da zuwa, Bismillah shigo, Gwaggon na ciki."

Fadin Humaira wacce duk a zatonta baƙuwar ta Gwaggo ce.

"Toh." Fadin Hanan, bisa jagorancin Humaira suka shiga ciki, Gwaggo ta yi saurin miƙewa zaune

"Indo, Maryama ce suka dawo?"

"A'a Gwaggo. Baƙuwa ki ka. . .