Subahin ranar, karar waya ta ce ta tashe ni. Koda na duba bakuwar lamba ce. Na mika hannu ina mamakin wanda zai kira ni a irin wannan lokacin amma hakan bai hana ni amsa wayar ba.

"Just to wake you up for Subhi prayer. Kin tashi lafiya Siyaam?"

Tuni na wartsake daga barci na, jin muryar Hamzah, Hamzahn da na kwana mafarki wai gashi yana rera karatun Al'qur'ani, ko Abdurrahman Al-Sudaith a iya karatun da fidda Tajweed albarka.

Da sauri na canzawa wayar position zuwa kunnen dama, na kuma kara rike ta da kyau, tamkar hannayensa ne. . .