Cikin tashin hankali sarauniya Rahash ta fizge kibiyar da ke soke a zuciyar Arman, take jikinta ya fara wata irin ji-jjiga, idanuwanta suka fara sauya launi daga kore zuwa baƙi, wani baƙin jini ne ya fara ambaliya daga bakin Arman ɗin jikinsa ya yi fari fatt, fatarshi ta fara komawa shuɗi-shuɗi da ja.

Jiki na rawa ta miƙe ta nufi ɗakin bincikenta, wata baƙar kwalba ta ɗauko, Mai kama da ƙoƙo ta zazzaga masa wani farin gari mai kama da hoda, a jikinsa, take ya fara atishawa yana kerma wani haya. . .