Babu inda ba a duba ba, amman babu Maryam babu alamar ta, gabad’aya hankalin kowa a tashe yake, tunba ma da Inna ta dawo daga kasuwa nik’i nik’i da kayan d’aki ba!. Babu kalar zagin da bata yiwa Madu ba, Mallan shima yana k’arasowa ya iske mummunan labari.

Har dare basu zauna ba domin shi Madu ya dage akan ‘bai yarda Maryam guduwa tayi ba!’. Sune har police station da daddare bayan sallar Isha, da kyar suka iya cin abinci tun safe

Suna zaune a gidan Madun, Inna tana ta yada magana tana cewa “Madu. . .