“Subuhanallahi.
Cewar Goggo wacce tayi furucin tana Mai toshe hancin ta Saboda warin tutun da wasila ta saki a tsakiyar D’akin Wanda ya marabci Goggon da Yi Mata lale marhabin.
“Me nake Gani haka wasila? Kamar fa tutu nake Gani a D’akin wane irin Abu ne haka ?
Wasila da fuska tayi jage jage da hawaye kunya da wata irin muzanta da taji tayi k’asa da kanta tana fadin
“Ki yafe mini don girman ALLAH Goggo. Nayi Miki laifi nayiwa Ubangiji har gani cikin wata irin jarabawa da na tabbatar da mugun Aiki na ne ya sa nake girbar shuka ta. Don Allah don ANNABI Goggo ki yafe mini abubuwan da nayi Miki Wallahi na San har da fushin ki A Kaina yasa nake cikin wannan Halin.
Cike da wani irin Sanyi Goggo ta kawar da kanta ga tutun Nan da k’udaje suke ta gad’a akan sa suna cin kasuwar su tace .
“Na yafe Miki ai Wasila ki Rik’e Hakan a Ranki ko yanzu Allah ta ala ya kaddara tafiya ta na bar Duniya ban tafi da ke a Raina ba na yafewa kowa Kuma ADDU A ta har muddin numfashin ku ku Duka tare da Ya’yan musulmi Alheri nake nemawa kowa ai kuskure Babu Wanda Baya yin sa . Allah ma Muna mishi laifi ya yafe in Dan Adam zai ce Babu yafiya Babu Afuwa shi Kuma Yaya da Abinda yake tsakanin sa da Ubangiji? In da Allah baya yafewa da yanzu Ubangiji ya jima da kife Duniya tun Kafin mu. Ki manta da Abun da ya faru a baya sai dai ki dauki Darasi akan Abinda ya faru baya don ki Kara gyara abinda yayi saura na tsakanin ki da Allah da mutane Amma ni Yanzu Ina tambayar ki wannan tutun da na Gani a kuryar D’aki.
Anty murja ce tayi sallama ta shigo Gidan inda ta iske wannan Bak’on Al Amarin ta dubi Goggo da take toshe da hanci itama da sauri tayi baya tana toshe nata hancin ta Kuma kai idon ta akan tutun da k’udaje suka yanyame suna gaisawa.
“Waye da wannan Aikin Nan na Kima wannan ba hayar a D’akin kwana?
Cewar Anty murja.
Da sauri wasila ta Mike da nufin kwashewa inda kuma tana mikewa Wani ya biyo ta sai kuma k’udajen Nan suki bita dauuuu suna bin Rigar ta da kazantar ta tab’a .
“Subuhanallahi ke Rigar ki da abin Nan .
Cewar Goggo wacce taga k’udajen suna biye da Rigar wasila.
Sai da ta kwashe ta Kuma dauko Omo da tsintsiyar zabori ta na wanke wurin tana zubar da hawaye . Sai dai abin tausayin tana gamawa Kuma ta saki Wani tutun duk akan idon Goggo da Anty murja Wanda Suka dauki salati suna sanar da Ubangiji.
“Inna lillahi wa Inna ilaihir Raju un me nake Shirin Gani haka ni hurera?.
Wasila ta durkushe tana Kuna Anty murja ta kama ta cike da tausayawa irin ta Dan Uwa suka nufi Bandaki itama tana hawayen tausayawa Yar Uwar ta .
Ta kuwa zage tun karfin ta tana kamdamar Ruwa da Omo ta sulle ta tas ta Kuma dauko Mata kayan ta ta Saka suka fito inda suka Samu Goggo sai share HAWAYE take tana Fadin
“Wannan lalura ce Kam Allah ya yaye Miki ya sa Hakan shine Alherin ki ikon Allah kenan.
Wasila da suka fito daga Bandakin wasila jikin ta a Sanyaye inda Anty murja ke Duban ta tana fadin
“Yaushe Al Amarin Nan ya same ki ?
Wasila ta share wasu tawagar hawaye tana Fadin.
“Na jima a haka ko zama Baki lura bana iyawa ba sai dai kwanciya? .
“Garin Yaya?
Cewar Goggo wacce ta jefa Mata tambayar.
“Goggo Al Amari na Allah NE ya haska shi na Kuma Gane Babu bawan da ya Isa ya samu Abinda Allah Bai kaddara mishi samu ba. Goggo nayi abubuwa masu yawa tun a gidan Aure na Wanda na sani na yake sani na. Goggo Allah ya jarrabi ISHAQ da kasawa ta Dan Lokaci wacce Naji ba zan iya da Babun sa ba. Har dai Riga ISHAQ ya fitar daga cikin kayan sa don ya siyar ya Siya Mana abinci Amma na kasa Ganin kokarin sa na kasa Gode mishi halaccin da yayi mini a baya. Goggo Ina Jin kunyar sanar da ke da Anty murja Amma Dole na fada muku ko bayan Rayuwa ta kuyi min Alfarmar nema min gafara wurin ishaq da sagir Domin kuwa ni da kaina na San na cutar da su Kuma sai duk ya tona min Asiri akan idon su su Biyun. Sagir ya kamani da idon shi haka ISHAQ ma ya kama ni da idon sa .
Al Amarin ya Fara ne wata Rana da na karanta Wani littafi Wanda aka nuna yadda Mata suke son dauko hankalin Maza ta hanyar Siyar da wani Abu na kwalam da makulashe . Sai Gani da girkin boga da shawarma Ina bin majalisar alhazawan birni Wanda ba kayan tallar suke kallo ba face surar Mai kayan tallar . Tun daga Nan kuwa na Soma zabarin zukatan fajiran Maza zindikai marasa tsoron Allah muka Soma yin mahad’a suna bani kudi Muna keta haddin Ubangiji da Kuma na Aure.
Tamkar Budewar ido sai ga Maza fasikai sunyi min caaaaa kowa dai bukatar shi ta son ya mallaki jiki na ce ni Kuma kudi nake so yayin da su Kuma kudin Basu zama matsalar su ba don Wani har mota ya bani kyauta na Siyar da ita don bani da yadda zan hau ta. Duk abin Nan da nake na mage da wuri Ina gidan ISHAQ nake yin sa yayin da har Abuja na je Raka Wani fasiki mukayi kwana uku inda Kuma Allah ya Soma tona Asiri na a Wani mutum da ya dauke ni Ashe ya Kira sagir yayi mishi gyaran mota . Wannan Al Amari da sagir ya Gani shine Dalilin da har yanzu sagir ko ya ganni sai dai ya sauya hanya baya ma zuwa gidan Nan bare ace yazo duba ni ko gaishe ni .
Shi kuwa ishaq dinki yayiwa fasikin nawa ya Kuma kawo mishi shi a hotel din da Muke tare sai Gani na yayi a motar mutumin.
Amma su Duka da suka ga hakan da idanun su shi da sagir babu Wanda ya sanar da wani w tsakanin su Suka kuma zuba min ido .
Karshe sai ga Goggo ma ta Gani da idon ta. Abinda ban manta ba shine sagir ya tab’a zaunar Dani Yana fad’a min Allah yayi min sutura Mai yawa Amma bana Gani. Idan kudi nake so Nayi hakuri zai zama duk yadda nake so zai samo min Dukkan Abinda nake so Amma na zauna D’aki na ko don su yusra da Zainab. Ya Kuma fada min koma meye na fara ban fara shi da SA A ba tunda duk yadda zan Rufe sai Allah ya bankada ni kowa ya Gane Halin da nake ciki. Ban Gane Hakan ba sai a yanzu da Lokaci ya kure min na Gane ko sagir da ALLAH ya Bani Wanda na tabbatar akwai Hikimar akan yin hakan musamman yadda ya tsayu akan Yan Uwan sa irin tsayuwar da Uwa ce ta gari take yin irin ta sai a nan nagane shi kad’ai ma baiwa ce Amma Kash sunana ya gama Baci a idon sagir Kuma ko Babu komai Dube shi Yaya murja yaro k’arami Amma Allah yayi mishi baiwar gyara a k’ananan Shekarun shi me ye Bai samu ba a yanzu? Ashe da nayi hak’uri zai cika alkawarin da ya daukar mini sai Gani a Babun baduluhu.
“Nayi Auren Sanata Uba Yan Doma Wanda ya rude ni da kudi har na tsayar da shi a Aure Ashe Abinda ban Sani ba shi din Wani mutum ne da ya Siyar da imanin sa wa wulakantacciyar Riba ta hanyar daukaka Siyasar sa da jinin mutum da na birai.
Tun a shiga ta gidan shi na Soma sarewa na Kuma ji tsoron shi matuka Gaya Domin kuwa wasu irin birai da suka cika gidan Wanda ya fada min Cewar wai hadimai ne. Haka Kuma gidan cike yake da Zanen taswirar biri Mai kayan sarki a ko Ina na Gidan hatta a D’akin kwana . Sai Kuma sannu a Hankali na Gane shi wannan birin Wani sihirin yake musu don Nasha MAFARKI da su Kuma duk mafarkin da zanyi da su idan na farka zanga Abinda ya faru gareni .
Ta yaye kafar ta tana nuna musu tabon Hak’oran biran da suka kafa Mata Hak’ori a cikin mafarkin sai gashi ta farka ta samu Hakan da gaske. Inda Kuma na Gane Al Amarin Nashi ba na lafiya bane har dai na samu Ganin Zubaida wacce itace ta fada min komai bayan Wani mutum da mukayi tarayya dashi Wanda ya Soma fada min kar na Auri Yan doma Amma nayi zaton ko don baya son Na Aure shine yake fada min haka Amma Lokacin da na hadu da Zubaida ta tabbatar mini da Cewa Suma sun shigo Gidan ne a bisa tsautsayi Kuma Mai gidan Yana amfana da jinin mutane Yana hayewa kujerar mukamin sa Kuma baya faduwa a Siyasa haka Kuma in ya hau kujera sai in shi ne ya sauka ya bayar Amma dai ba a iya sauke shi Kuma duk Wanda ya zamo Abokin takarar sa zai mutu ne shiyasa ya zabi birai da Mata don cikar Burin sa . Inda Kuma a karshe ya zama baya Neman mace sai ta inda Allah ya haramta wato ta baya . Hakan ce ta kasance gareni ya Kuma Yi min mugunta Yana bi Dani ta Baya na Al Amarin da yafi k’arfi na har dai muka shirya guduwa daga gidan ni da wannan da muka zo da ita wato Zubaida . Tun kafin na baro Gidan mutumin Nan na Soma Jin Wani Abu Yana Shirin faruwa Dani Domin kuwa tun a can na Fara wannan lalurar Amma batayi tsanani haka ba har dai ALLAH ta ala ya fiddo mu daga cikin Gidan Nan Wanda muka Sha da kyar da ikon Allah NE kawai ya fiddo mu .
Kukan wasila ya tsananta inda Anty murja ma kuka take tana Taya Yar Uwar ta jimami yayin da Goggo ma sai fyace majina take da hab’ar zanin ta tana fadin.
“Inna lillahi wa Inna ilaihir Raju un Kai Rayuwa Mai Abu da yawa Allah ka Hana mu Aikin da na sani a Rayuwa ka tsare mu bak’ar kaddara ai an auna Arziki ma don duk yadda musulmi ya samu kanshi w Wani ibtila I to in Sha Allah Akwai Rahamar Ubangiji a ciki Dubi Wanda Al Amarin sa ya Fi naka ta nan zaka Gane Akwai Rahamar Ubangiji a cikin kaddarar musulmi don in yaso sai Al Amarin yafi haka tsanani Amma sai aga sauki ne komai.
Anty murja sai Fadi take
“Kai Allah yasa wannan ya zama kaffarar ki wasila Allah ya tsare musulmi da kuskure irin wannan Allah ka zama gatan mu a ko yaushe Kuma ko Ina.
Wani tutun ne ya kuma suncewa wasila sai ga d’akin ya cika da wari k’udaje kuma sun sake Dawowa cin kasuwa .
“Anya Al Amarin Nan Mai sauki ne Kuwa murja?
Cewar Goggo da take kallon k’udaje suna ta shawagi a saman jikin wasila
Da sauri murja ta kama wasila suka nufi makewayi yayin da Goggo Kuma ta Soma d’akin Wanda ya zuba a k’asa.
Suna fitowa Anty itace da Goggo.
“Goggo Asibiti ya kamata mu tafi Amma ba za a zauna da Ciwo a gida ba Abin Babu Dadi gaskiya.
Da sauri kuwa Goggo tace
“Nima zance muku wasila kuje muga Abinda Allah Zaiyi.
Tuni kuwa Anty murja da wasila suka nufi Asibiti inda aka karanta matsalar wasila wacce aka fahimci Al Amarin da Kuma irin maganin ta
Sai dai tun a awon da akayi aka Gane sai anyi Aiki inda wasila ta tambayi kudin Aikin aka Sanar da ita Amma Dole ta tura a cikin kudin da suke lode a wayar ta aka Saka Ranar Aiki Amma Kuma a Dole aka Rubuta Mata diapers na manya Wanda zata Rik’a sanyawa saboda yawan zubar tutun da take
Kudin diaper din da take batawa kullum abin aduba ne Domin kuwa tana Bata fiye da talatin a Rana har zuwa Ranar da akayi mata Aiki a Asibiti Wanda ya lashe kudi masu yawa bayan Wahalar da ta Sha.
Kwananta biyar a Asibiti aka sallame ta da tarin magungunan suka koma gida Amma Aiki dai baiyi ba don Bata iya Rik’e tutun dai sai faman siyen diaper Ake Dole aka kuma Saka Ranar sake Aiki Shima sai da aka biya kudi masu Nauyi duk cikin account din ta Wanda yayi k’asa kwarai Saboda Zara bata barin Dame
Aiki uku akayi Amma Babu Wanda aka dace har Dan Abinda yake cikin account din ya kare tas ya zama Babu mataimaki sai Allah sai Abinda Yaya ma aruf ya bayar da Wanda murja ta bayar tare da tallafin maimuna wacce itace karfin Komai
Tuni ma aka bar batun Wani Aiki ta koma sauraren ikon Allah Wanda ya girma ya daukaka.
Maimuna tana yawan zuwa duba wasila tare da yaron ta da ta Haifa Mai suna isma il Wanda kamar shi da sagir har ta Baci . Haka ma yusra da Zainab suna zuwa duba ta Amma har yau din sagir Bai zo ba haka ma ISHAQ Babu Mai Zuwa gidan don ma kar su hada ido da ita .
Tana kuka tana Duban yusra da Zainab tana tambayar yusra Ina Sagir?. Yusra tace Yana Nan mama .
“In kinje gida kice mishi nace ya yafe mini Abinda nayi mishi yazo mu Yafi juna kafin na mutu ki Kuma Cewa Abban ku Ina Neman gafarar sa Shima ya yafe mini Abinda nayi mishi in ya samu Labarin mutuwa ta yayi min ADDU A kinji ?.
Yusra ta fara kuka tana Fadin
“Ba Zaki mutu ba mama in Sha Allah zan fada musu Allah ya Baki lafiya ai kowa Yana da laifi wurin Ubangiji in ba a yafewa ai da yawa mutane sun shiga UKU.
Maimuna ta kawowa wasila Naman kazar da ta dafa Mata tare da abinci Mai Rai da motsi ta Kuma taho Mata da wasu daga cikin kayan ta don kayan wasilar duk sunyi Sanyi doke ta baka tausayi.
Tayi ta godewa maimuna tana mata ADDU AR Allah ya tsaya mata da tsayawar sa ya Kuma Hana ta Aikin da zai Dame ta a Duniya.
Suna komawa Gida yusra ta samu ISHAQ Wanda harkokin sa sukayi yawa tana kuka tana Fadin
“Abba don Allah ka yafewa mamar mu tace in Rok’e ka ka yafe Mata mutuwa zatayi don Allah don ANNABI ka yafe Mata mamar mu tana cikin hali Abba ka bani kudi na da suke wurin ka zan Kai Mata Bata da komai ciwo ya cinye ta ni Kam Ina tausayinta.
