Umma ta mike ta dauko rigar baccin dake ajiye can gefenta ta miko min.

"Karbi ki suturta jikinki." Ta yi maganar ba tare da ta kalle ni ba.

Hannu biyu nasa na karbi rigar nayi yadda tace din, tana ganin nayi hakan ta nemi wuri ta zauna tana kallona cikin natsuwa ta ce "menene matsalar da ta hanaki zama wurin mijinki ku more darenku na farko?"

Nayi maza na sunkuyar da kaina kasa saboda jin nauyin maganar tata, gaba daya mukayi shiru na dan wani lokaci zuwa can sai na kawar da shirun namu ta hanyar yi mata tambayar taimake. . .