Har na soma jin sauki ina fitowa tsakar gida ina dan taimakon yaya Balki da 'yan ayyuka tun tana hana ni har dai ta hakura ta barni.

Rannan ina kwance a daki da 'yan yara guda uku da suke ta bacci yayin da ni kuma nake kwance idona biyu saboda tunanin rayuwa.

Baba nake tunawa da kalmominshi da yayi tayi min musamman na karshen rayuwarshi wani tunani yazo min cikin raina da wannan zaman kadaici da nake yi ga wulakanci daga wurin mutanen gida gore-gore da habaice-habaice wuni nake yi a cikinsu, ga Alhajin ma yanzu rabon da. . .