LALE DA SO
Jajurtuwa kan so, jarmai yake,
Lamintuwarsa ko sa shagala take,
Sauƙin isa kan karagar so ya yake?
Sharaɗi na so na biya,
Don na zamo garkuwa,
Na baki so bai ɗaya,
Na kai ki ƙololuwa.
Ƙaunarki na yi tsiko can ƙarƙashin zuciya,
Tamkar ruwa mai gudu a ƙasan furen lubiya,
Tsoro nake kar a ce so ya zaman rijiya,
Don za na faɗa in kika ƙyale hannuna.
Na tabbatar duniya,
Ba wani mai zuciya,
Ni ne masoyi ɗaya,
Mai sonki ba tariya,
Na zam kamar inuwar wani janibi,
Kuma na ɓace a duhu ke ce na bi,
Kullum na kalli wata in gan shi kamar rabi,
Nazarinki ne ke tsamo so a ƙirjina.
Da babu ke duniya,
Ma da ba zan zo ba,
Da babu ke zuciya,
Ma ba ta buga min ba.
Ni na ga ƙwari suna kuka a kan so,
Na hangi taurari suna faman dakon so,
Ni yaushe ne za ki sau ni in yo jidon so,
Don ke nake rai in ba ke zan kashe kaina.