Alhamdulillah
Alhamdulillahi na gode rabbani
Alhamdulillahi ya Jalla mai girma
Alhamdulillahi godiya ga rabbani
Alhamdulillahi ya Azizu mai girma
*****
Farko da sunanka sarki gwanin girma
Mulkinka ya zarce na dukkannin kowa
Ikonka ya wuce iko da dukkan girma
Kai ne ka yo komai kuma kai ka yo kowa
*****
Salati ga Manzona abin faharin girma
Gata ga duk duniya da ya zarce duk kowa
Habibi abin ƙauna Muhammadu sha girma
Kai ne macecin mu bai da aibu gun kowa
*****
Na gode Allah na don ya yi min komai
Ko da bani da komai Allah ya yi min komai
Ko da akwai komai Allah ne da yin komai
Allahu na gode don ka yi min komai
*****
Alhamdulillahi na gode rabbani
Alhamdulillahi ya Jalla mai girma
Alhamdulillahi godiya ga rabbani
Alhamdulillahi ya Azizu mai girma
*****
Cikin halittu dubbai ka zaɓe ni sarkina
Cikin mutane dubbai ka keɓe ni sarkina
Cikin musulmai biliyan ka ƙago ni Allah na
Allahu na gode tabbas kai ne maƙagina
*****
Cikin mutane miliyan ka yi ni da bakina
Cikin mutane biliyan ka yi ni da hancina
Cikin mutane tiriliyan ka yi ni da kunnena
Cikin dubun dubatar jama’a ka yi ni da idanuna
*****
Ka yi ni ba tawaya Alhamdulillahi
Ka yi ni ba naƙasa Alhamdulillahi
Ka yi ni ba hauka Alhamdulillahi
Ka bani imani Allah Alhamdulillahi
*****
Alhamdulillahi na gode rabbani
Alhamdulillahi ya Jalla mai girma
Alhamdulillahi godiya ga rabbani
Alhamdulillahi ya Azizu mai girma
*****
In na yi numfashi kai ne silar yin shi
In na yi yo barci kai ne silar yin shi
In na yi yo ciwo kai ne silar yin shi
Haka ma in na warke komai kai ne kake yin shi
*****
Bani da buƙatar da ta fi gafararka sarkina
Bani da burin da ya wuce rahamarka sarkina
Bani da burin da ya wuce in ganka Manzona
Ko da a mafarki ina cikin baccina
*****
Allah daɗo tsira wurin ɗaha Manzona
Alihi sahabbansa da masu son Manzona
Allahu mun gode da komai da komai na
Cikin wanga duniya da lahira gobena
*****
Alhamdulillahi na gode rabbani
Alhamdulillahi ya Jalla mai girma
Alhamdulillahi godiya ga rabbani
Alhamdulillahi ya Azizu mai girma
