Kamar wani abu ya ce Suhaila ta shigo ɗakin, ta same shi hannunsa a wuya ga kumfa yana bin gefen bakinsa. Gabaɗaya ta ruɗe ta gigice, ta ƙarasa ta tallabo kansa, sai dai ta gaza riƙe shi saboda yadda ransa yake ƙoƙarin fita. A hankali tasa bakinta a kunnensa ta fara rera karatu cikin kuka. A lokacin matar ta samu ta fizge hannunta daga jikinsa, saboda irin ƙunan da take ji a dukkan jikinta. Gabaɗaya sai ya saki kamar mai barci. Sai da ta ga gumi yana bin gefen fuskarsa sannan ta sauka da sauri. . .