A hankali ya ɗago fuskarta, har yanzu idanunta a rintse suke, duk da hakan sai da hawaye suka dinga sintiri a fuskarta.

Sosai ya kafeta da ido, yana jin wata kasala tana sake rufe shi. Fitowarsa Office kenan ya ci karo da ita. Ya rasa yadda zai yi ta rabu da jikinsa.

"Suhaila."

Ya kira sunanta da wata murya, wacce yasa ta buɗe idanunta. Bata da ƙarfin janye jikinta daga nasa, sai sake rintse idanun ta yi da ƙarfi tana Salati.

Hannayensa yasa ya ɗauke hawayen ya sake ta kawai ya wuce da sauri. Sabuwar kuka ta sake sawa. . .