Ya fahimci me take nufi, sai dai ko a fuska bai nuna mata komai ba, ya shige banɗaki. A ciki ya shirya ya yi komai sannan ya fito ya wuce Masallaci. Jikinta asanyaye ta shiga ta yi alwala ta fito tana nazarin Gabas.

Duk yadda taso ta rintse idanu ta yi barci abin ya faskara. Gani take yi tana rufe idanu wani abu zai cutar da ita. Ga shi dare yana ƙara tsalawa babu idon M.Y don haka ta sake rintse idanunta ta fara rera kuka,

"Gwaggona ki zo ki taimakeni, Gwaggo wanda kike so kika yarda da. . .