Basimpe
1.
Basimpe ba shi daraja
A idon mafi yawan mata
Basimpe ba shi da kima
A wajen mafi yawan mata
Basimpe saurayin Dija
Na Asabe ne ko Karima?
2.
Kai kenan ba ka da zuciya
Kullum aikin ka tarairaya
Ka zamo raƙumi da akala
Yi nan yi can kamar gaula
Soyayya wai ka ke wa maula
An dai yi asarar ragon suna.
3.
Shahrukh Khan sarkin soyayya
Gudaliyar ake yi wa biyayya
Sai ke ce ba ka da zuciya
Da an yi magana sai hauragiya
Da ta ce uhm! To sai ‘to iya!’
Amma an yi zuciya jemammiya.
4.
Shi dai barshi riƙe da fatala
Ya yarda ya zamo mata fitila
Ya haska wata shi ya mutu
Yi nan yi can babu hutu
Bai san ciwon kai nai ba
Jaki ɗauke da tarin gafaƙai.
5.
Yo wai hauka wai ake yi?
Ba ni da wani aiki sai aike
Sai ‘yar wuya kamar rake
Ta samu rayuwa ta shaƙe
Can gare ta ka wani naniƙe
Kai! Da ma fa ka miƙe.
6.
Kaiconka kai dai Basimpe
Ganyen gwaza uban ladabi
Da ya ga doguwa ya lafe
Yar fara mai dogon hanci
Ya zura mata ido, madubi!
Maye kamar zai lashe
Zuciya ta bi ta bushe.
7.
Kai ma ka zamo mai aji
Ka da ai ta janka kamar carbi
Ka zamo shugaba ko a ina
In ka faɗa dole a ji
In za ka yi abu, bugi ƙirji
Domin yi wa Simpanci biji-biji.
8.
Alfawa duk sai mu miƙe
Mu yi yaƙi da Simpanci
Domin kare kai da wulaƙanci
Da nisanta kai da shashanci
Mu rufe ƙofar duk iskanci
Ko ma zamo masu mutunci.
