Fargabar abin da ka iya zuwa ya dawo a bayan kallon da Mujahid ya yi mata ya cika ta qwarai, dole ta shiga saqa da warwara har suka yi tafiya mai tsawo kowa bakinsa a dinke.

Mujahid ya ce yana sonta, daidai ne da albishir din ranar mutuwarta, in kallon da ya ke mata daga mahudar soyayya ya hudo ta ina za ta bi ta kubuta?

Maganin kar a yi, to kar a soma, ta shawarci kanta wannan azancin, kuma nan take ta yi fuska ta fuskance shi ta ce masa.

"kadaici na taka rawa a wannan zafin kan naka. . .