Haka washegari na tashe shi don yayi asubah in gani ko zai hada dana jiya da bai yi ba? Hamzah juyi yayi cikin barci yace “Siyam, zan yi in na tashi, yanzun I’am sleepy”. Daga haka ya juya ya cigaba da barcin sa cikin kwanciyar hankali.

Watanni bakwai kenan na auren mu, wadanda watanni ne na wata irin koriyar soyayya shar, da fahimtar juna tsakanin ma’aurata mai shiga rai, babu komai a cikin su sai sassanyar soyayya mai tsayawa a zuciyar masoya, musamman wadanda suka yi dace da kasancewa karkashin inuwar aure.

Amma kuma daga wata biyar baya. . .