Yaushe Ne?
01.
Yaushe za mu gode Allah,
Yaushe za mu tsaida Sallah,
Yaushe ne, Yaushe ne, Yaushe ne?
02.
Yaushe zan ɗau addini,
Yaushe zan bar kafirci,
Yaushe ne, Yaushe ne, Yaushe ne?
03.
Yaushe za mu kama sunnah,
Yaushe za mu ƙyale bidi’a,
Yaushe ne, Yaushe ne, Yaushe ne?
04.
Yaushe zan ɗauki ilimi,
Yaushe zan bar jahilci,
Yaushe ne, Yaushe ne, Yaushe ne?
05.
Yaushe za mu daina gulma,
Yaushe za mu bar haɗama,
Yaushe ne, Yaushe ne, Yaushe ne?
06.
Yaushe ne za mu daina zamba,
Yaushe ne za mu bar taba,
Yaushe ne, Yaushe ne, Yaushe ne?
07.
Yaushe ne zan bar maye,
Yaushe ne zan bar ganye,
Yaushe ne, Yaushe ne, Yaushe ne?
08.
Yaushe ne zan daina sata,
Yaushe ne zan daina cuta,
Yaushe ne, Yaushe ne, Yaushe ne?
09.
Yaushe ne zan daina caca,
Yaushe ne zan daina karta,
Yaushe ne, Yaushe ne, Yaushe ne?
10.
Yaushe ne zan bar gaba,
Yaushe ne zan daina giba,
Yaushe ne, Yaushe ne, Yaushe ne?
11.
Yaushe ne zan bar bin mata,
Yaushe ne zan daina mita,
Yaushe ne, Yaushe ne, Yaushe ne?
12.
Yaushe zan sada zumunci,
Yaushe zan bar munafunci,
Yaushe ne, Yaushe ne, Yaushe ne?
13.
Yaushe zan bar ha’inci,
Yaushe zan fara karamci,
Yaushe ne, Yaushe ne, Yaushe ne?
14.
Yaushe zan daina ƙiyayya,
Yaushe zan fara soyayya,
Yaushe ne, Yaushe ne, Yaushe ne?
15.
Yaushe zan bar jayayya,
Yaushe zan fara biyayya,
Yaushe ne, Yaushe ne, Yaushe ne?
16.
Yaushe zan fara tsafta,
Yasuhe zan kawar da dauɗa,
Yaushe ne, Yaushe ne, Yaushe ne?
17.
Yaushe zan bar giya,
Yaushe zan kama hanya,
Yaushe ne, Yaushe ne, Yaushe ne?
18.
Yaushe za na daina sharri,
Yaushe za na fara kairi,
Yaushe ne, Yaushe ne, Yaushe ne?
19.
Yaushe zan san ciwon kaina,
Yaushe zan yi kishin kaina,
Yaushe ne, Yaushe ne, Yaushe ne?
20.
Yaushe zan san al’ada,
Yaushe zan fara fara’a,
Yaushe ne, Yaushe ne, Yaushe ne?
21.
Yaushe zan san ‘yancina,
Yaushe ne za zan kare kaina,
Yaushe ne, Yaushe ne, Yaushe ne?
22.
Yaushe ne ga tambaya,
Yaushe ne ku bani amsa,
Yaushe ne, Yaushe ne, Yaushe ne?
23.
Yaushe za mu sa mu ‘yanci,
Yaushe za mu ga adalci,
Yaushe ne, Yaushe ne, Yaushe ne?
24.
Yaushe ne za mu ga daidai,
Yaushe ne za mu haɗe kai,
Yaushe ne, Yaushe ne, Yaushe ne?
25.
Yaushe za a bar kisan kai,
Yaushe za a bar kidnapping,
Yaushe ne, Yaushe ne, Yaushe ne?
26.
Yaushe bam zai daina tashi,
Yaushe za a rage farashi,
Yaushe ne, Yaushe ne, Yaushe ne?
25.
Yaushe za mu samu shugaba,
Yaushe za mu sam jagora,
Yaushe ne, Yaushe ne, Yaushe ne?
26.
Yaushe za a fara mulki,
Yaushe za a daina tuƙi,
Yaushe ne, Yaushe ne, Yaushe ne?
27.
Yaushe zamu kama Allah
Yaushe za mu daina gilla,
Yaushe ne, Yaushe ne, Yaushe ne?
28.
Ya Allah ka jiƙanmu,
Ya Allah ka dube mu,
Ya Allah, Ya Allah, Ya Allah!
29.
Albarkacin Mahamudu,
Wanda ya ci yaƙin Uhudu,
Ya Allah, Ya Allah, Ya Allah!
30.
Allah ka kiyashe mu,
Allah ka kiyaye mu,
Ya Allah, Ya Allah, Ya Allah!
32.
Allahu muna tuba,
Allahu mun tuba,
Ya Allah, Ya Allah, Ya Allah!
