Wanka na ci gaba da yi cikin tsantsar kulawar da nake samu. Dauri dai yaran nan sun sha shi, ni kuma na sha maganin sanyi har na gaji, wurin Aunty Kulu turaruka na saya, na jiki da na tsugunno masu asalin tsada, dan ita kayanta yammatan gaya ne ga kyau ga kudi.

Tahir bai samu dawowa duba mu ba saboda yanzu aikin nasa ya koma tafiye tafiye, har sai da muka yi wata guda Allah ya yi wa Malam na tudun wada rasuwa daga gidan gaisuwar ya iso Kankara, cikin jimami yake kwarai na rashin tsohon kwana daya ya yi. . .