Yanayin garin ne yayi tsit kasancewar daukewar motsin mutane. Ba wani sauti da kake ji face sautin kukan  tsuntsaye, da wasu halittu da ke neman abincinsu a cikin dare.

A dai dai wannan lokacin ne, ta rika jin saukar hannayensa, suna yawo a sassan jikinta.

Wani abu ta riƙa ji yana taso mata tun daga ƙasan zuciyarta har zuwa illahirin gangar jikinta.

"Innalillahi wa'inna ilaihirraji'un!. " Ta furta can a ƙasan maƙoshinta.

Wasu irin hawaye  suka riƙa zirarowa daga idanuwanta masu tsananin zafi da ƙuna. 

Wani sautin marayan kuka ne ya kufce. . .